Џим Готфридсон ќе има екстра мотив за победа на Шведска во финалето на ракометното Европско првенство против Шпанија, откако ја доби наградата од ЕХФ за најкорисен играч на турнирот.
Готфридсон е алфа и омега во селекцијата на Шведска, која ќе игра за титулата европски првак од 18 часот против Шпанците.
За него ова е второ признание за МВП на ЕП, откако и во 2018 година беше најдобар ракометар на шампионатот во Хрватска, но тогаш Шведска загубу во финалето.
ЕХФ пред стартот на мечот за златото ја објави и идеалната постава на ЕП.
Најдобар голман е Халгримсон од Исланд, десно крило е Гомес од Шпанија, лево крило Вујовиќ од Црна Гора, пикер е Гола од Германија, десен бек Гидсел од Данска, лев бек неговиот соиграч Хансен и среден бек Холанѓанецот Стеинс.