Грин: Жал ми е за инцидентот, но видеото е направено да изгледа како само јас да сум виновен

Кошаркарот на Голден стејт вориорс, Дрејмонд Грин јавно се извини поради инцидентот на тренингот кога брутално го нокаутираше соиграчот Џордан Пул. Грин призна дека тоа било очаен негов потег и не требало тоа да го направи, но сепак потенцираше дека видеото кое се појави во јавноста е пуштено така за да излезе дека само тој е единствен виновник за инцидентот.

„Го изгледав видеото 15 пати, можеби и повеќе. Кога го видов, бев свесен дека изгледа ужасно тоа што го направив. Потоа сфатив дека снимката е објавена на начин за јас да испаднам целосен виновник. На видеото нема звук, монтиран е така за да се види како јас одам кон него и мислам дека тоа е ужасно. И навистина е ужасно. Без разлика на се, тоа што го направив е погрешно. Сепак, да бидам искрен, навистина е глупаво видеото што излезе во јавност. Никогаш претходно не се појавило видео од тренинг, кога давам совети на помладите, кога правиме тактики. Ова е прв пат да се појави видео, а без оглед на се, тоа што го направив беше погрешно“, објаснува Грин.

Според американските медиуми, Грин збеснал поради константните провокации кои Пул ги правел во текот на предсезонските мечеви и на тренинзите.

- Оглас -

Најнови вести