Одбојкарскиот шампион на Македонија во женска конкуренција ќе се одлучува во „мајсторка“ откако денеска во четвртиот натпревар од финалето на плејофот, Работнички со 3-0 (по сетови 25-15, 27-25, 27-25) го совлада Наковски Волеј пред својата публика во СЦ „Борис Трајковски“ и изедначи на 2-2 во победи.
До прва максимална победа над Наковски Волеј сезонава Работнички Скопје го предводеа Тамара Стојанова и Антонија Баталаковска со по 12 поени како и Андротеа Милевска со 11 поени. Кај Наковски Волеј, Сара Марковиќ запиша девет поени, Ивана Милева имаше осум, додека Мила Долдурова и Ива Стојковска имаа по шест.
Решавачкиот петти меч ќе се игра в понеделник, во 18 часот, во Струмица.
