Стотици Македонци со песна ги поздравија и ги испратија своите јунаци, репрезентативците на Македонија по брилијантната победа против Германија со 2:1.
Во Дуизбург има околу 2 илјади наши државјани, а дел од нив пристигнаа пред „МСВ“ арената за да се израдуваат на големиот успех.
Big Party in Duisburg! 🇲🇰 Fans of North Macedonia celebrating after 2-1 victory against Germany 🇩🇪 Their hero: Goran Pandev #GERMKD @SPORT1 pic.twitter.com/9UYW3SWWhk
— Patrick Berger (@berger_pj) March 31, 2021
Македонија со головите на Горан Пандев и на Елиф Елмас го нокаутира четирикратниот светски првак, а фудбалското чудо во Дуизбург е во фокусот и на светските медиуми.
Германија за првпат по 20 години загуби квалификациски меч за настап на Светско првенство, а велемајсторите од Македонија им го сопреа и рекордот од 18 победи по ред.