Младиот турски фудбалер, Арда Ѓулер, синоќа го постигна својот деби гол за Реал Мадрид, а задоволството не го криеше и после натпреварот, кој „кралевите“ го добија со 4-0 против Селта Виго.
Турчинот во игра влезе во 89-тата минута, а погодокот го постигна во 94-тата.
– „Кога излегов еден на еден со голманов, видеов дека ја губи позицијата, ја префрлив топката на десната нога и шутнав. Постигнав погодок и среќен сум за тоа. Многу сум среќен во Реал Мадрид. Ова е најдобриот клуб во светот. Иако е тешко, сепак мислам дека имам квалитет да играм. Доаѓаат подобри денови. Се надевам дека ќе има уште многу голови и напорно работам за тоа.“ – рече Ѓулер.
Веднаш после завршувањето на натпреварот, Карло Анчелоти му честиташе на младиот фудбалер за дебитантскиот погодок во дресот на Реал Мадрид.
Carlo Ancelotti went straight to congratulate Arda Guler at fulltime. pic.twitter.com/t1nLjMTVmY
— Madrid Universal (@MadridUniversal) March 10, 2024
