Најтрофејниот активен фудбалски тренер на светот, Хосеп Гвардиола, повторно го критикуваше пренатрупаниот календар на главните клубови во Европа. Менаџерот на Манчестер сити направи и интересна споредба со микробранова печка.
„Читам дека од следната сезона ќе има повеќе мечеви. Тоа не е добро за фудбалот. Карло Анчелоти го кажа истото во Шпанија, Маурицио Сари во Италија. Знам дека нашите зборови нема да променат ништо. Немаме време за анализа и рестартирање, не можеме да мислиме дали играме добро или лошо. Немам доволно тренинзи за да се подобри тимот. Се бараат резултати, а добрата храна бара време за приготвување. Во микробранова печка нема такво нешто бидејќи се готви брзо. И во фудбалот е така“, кажа Гвардиола.