Тренерот на Манчестер сити, Пеп Гвардиола, е последниот кој се вклучи во дебатата околу цените на билетите за Светско првенство 2026, кое започнува за месец и пол во САД, Канада и Мексико.
Шпанскиот стратег изрази загриженост и ги критикуваше исклучително високите цени на билетите.
„Некогаш Светското првенство беше славје на фудбалот. Луѓето патуваа низ светот за да ја гледаат својата репрезентација. Но денес, во ова модерно време, стана премногу скапо – фудбалот е за навивачите. Овој бизнис не функционира без нив“, изјави Гвардиола.
Да потсетиме, покрај скапите билети за натпреварите, во САД веќе беше најавено и поскапување на јавниот превоз.
Светското првенство започнува на 11 јуни и ќе трае до 19 јули.
