Бразилскиот репрезентативец Габриел Жесус откри дека минатото лето одлучил да си замине од Манчестер сити и да се пресели во Арсенал откако Хосеп Гвардиола му рекол дека е вишок.
Гвардиола пет години му беше тренер на Бразилецот, пред да се разделат и Жесус да потпише за Арсенал.
„Игравме против ПСЖ во Лигата на шампионите, а Пеп го стави Зинченко како лажна деветка. Тоа беше лудо, еден ден претходно воопшто не го користеше Зинченко на тренингот, мораше мене да ме стави како напаѓач. Дури и Зинченко се задеваше со мене и ми рече дека му е незгодно. Кога Пеп ми рече дека нема да играм, два дена не можев да јадам. Веднаш заминав дома и заплакав. И се јавив на мајка ми и ѝ реков дека сакам да си одам. Наместо мене, му даде шанса да игра како напаѓач на бек. Полудев поради тоа“, откри Жесус.
