Рускиот борец Хабиб Нурмагомедов нема намера повторно да се бори со Ирецот Конор Мекгрегор дури ни по привлечната понуда од 100 милиони долари. Хабиб својата титула во УФЦ во лесна категорија на 18 април треба да ја брани против Тони Фергусон и не сака да му даде реванш на Конор, кого го победи во октомври 2018 година.
„Не сум заинтересиран за нова борба со Мекгрегор. Ми нудат 100 милиони долари, но има многу други спортови во кои може да се вложат тие пари. Зошто би ми требале 100 милиони за да го победам повторно тој имбецил“, рече Хабиб.
