Макаби Хаифа е на прагот на пласман во финалната квалификациска фаза за Лигата на шампионите по победата од 4:0 вечерва против кипарски Аполон.
Израелците доминираа и го оставија гостинот од Кипар без директен шут кон неговиот гол и го испратија дома со четири гола во мрежата.
Првиот меч од третото квалификациско коло почна лошо за Аполон, со автогол на Пејбернес во 38-мата минута, а во второто полувреме му се случи дебакл со уште три примени гола.
Мохамед со два гола и Пјерот со погодок во самиот финиш му обезбедија топ-резултат од 4:0 на Макаби за реваншот што ќе се игра за една седмица во Лимасол.
