Романската фудбалска репрезентација ќе биде ослабена за утрешниот натпревар против Македонија, откако се потврди дека Јанис Хаџи, еден од главните играчи на нашиот следен противник, е позитивен на коронавирусот..
Фудбалерот на Ренџерс се пожалил на главоболка откако романскиот состав допатува во Скопје, по што му направиле тест кој покажал дека е позитивен на ковид-19.
Иако нарушеното здравје на Хаџи не е причина за радост, од спортски аспект овој хендикеп на противникот е добар за Рисовите бидејќи ќе имаат еден проблем помалку на теренот, знаејќи го квалитетот на технички поткованиот Хаџи.
Селекторот на гостите Мирел Радои поради проблеми со повреди и со Ковид-19 покрај Хаџи во составот за дуелот против нас ќе ги нема и Алибек, Драгуш, Танасе и Ротариу што е голем хендикеп за Романците.
Натпреварот Македонија – Романија ќе се одигра утре со почеток во 20:45 часот на Националната арена „Тодор Проески“.
