Матс Хумелс, дефанзивецот на Баерн Минхен, по три сезони поминати во најтрофејниот германски клуб, реши да се врати во Борусија Дортмунд. Двата клуба ги договорија речиси сите детали. Трансферот е вреден 30 милиони евра, од кои 20 милиони ќе бидат платени веднаш, а останатите 10 милиони ќе бидат во вид на бонуси.
Хумелс се согласи и за помала плата. Наместо досегашните 12 милиони евра по сезона во Баерн, треба да добива 9,5 милиони евра за враќањето во Борусија Дортмунд. Иако сè делува лесно, трансферот на Хумелс очигледно нема да оди толку лесно.
Bayern Munich defender @matshummels is in advanced talks to make a return to Borussia Dortmund for €30m (£27m), according to Sky in Germany.
— Sky Sports News (@SkySportsNews) June 15, 2019
Навивачите на Борусија Дортмунд се тие кои јавно порачаа дека се против враќање на Хумелс во Дортмунд. Тие како предавник го сметаат нивниот поранешен капитен, кој во 2016 година се пресели во Минхен. На денешното финале во кадетска конкуренција меѓу Борусија и Келн, зад еден од головите се појави транспарент на кој пишуваше „Број 15- нема компромис“. Бројот 15 е тој што го носеше Хумелс додека беше играч на Борусија Д.
Huch! #Hummels #bvb pic.twitter.com/xzMuXcCPbz
— Dirk Krampe (@DirkKrampe) June 16, 2019
