На Манчестер сити сега му се заканува одземање бодови во Премиер лигата. Фактот што актуелниот англиски шампион ги прекрши правилата на УЕФА и Финансискиот фер плеј, значи дека направиле прекршоци и според правилникот на домашното натпреварување.
Медиумите од Островот шпекулираат дека челниците на ПЛ размислуваат да им одземат бодови на Граѓаните, но засега не е јасно дали ќе реагираат оваа сезона или пак казната ќе важи за следната сезона, како и колку точно бодови ќе им бидат одземени.
Британскиот „Телеграф“ воедно најави заминување на Пеп Гвардиола по крајот на сезоната доколку жалбата на клубот до Судот за спортска арбитража е неуспешна.
Манчестер сити моментално е на второто место на табелата со 51 бод, односно 22 помалку од лидерот Ливерпул, додека во осминафиналето од Лигата на шампионите ќе се сретне со Реал Мадрид.