Реномираниот француски лист „Л’екип“ пред неколку дена објави карикатура претставувајќи го Новак Ѓоковиќ како дворски шут со име „Ѓоковид“, откако неговиот Адрија турнир го рашири корона-вирусот во тенискиот свет.
И самиот прв светски рекет е меѓу заразените, по што овие денови трпи доста остри критики од сите страни, а на ред дојде и шпанскиот медиум „Марка“, исто така со карикатура удри по српскиот тенисер.
Ѓоковиќ е претставен како држи пехар во рцете во облик на корона-вирус, до дополнителен коментар: „Што ли мислеше тенискиот гениј, себичниот незнајко кој говори дека сè што прави е со чисто срце и најдобри намери“.