Пред неколку години Кина беше ветената дестинација за фудбалерите, каде што се даваа неверојатни плати, па затоа и бевме сведоци на трансфери на врвни играчи од топ пет лигите.
Еден од нив е и Оскар, кој играше во екипата на Челзи, а замина во Шангај СИПГ во друштво со неговиот сонародник Хулк, кој дојде од Зенит.
„Кина има финансиска моќ и такви понуди не можат да се одбијат.
Јас доаѓам од многу сиромашно семејство кое никогаш немало ништо.
Ова се плодови на мојата работа, а критиките не ме интересират, можам да живеам со нив, но не можам да живеам во сиромаштија и сеќавања“, изјави Оскар и продолжи.
„Да не беа финансиите проблем, не би го напуштил Бразил и мислам дека голем дел од фудбалерите би го сториле тоа“.
Неговиот трансфер во 2017 година беше вреден 60 милиони евра, а играчот имаше годишна плата од 20 милиони, нешто што за во Европа можеше само да сонува.
