Лука Дончиќ доби четири милиони гласови од навивачите, но нема да игра на Олстар мечот во Шарлот. Сепак, Словенецот не е единствениот „лузер“ кога се работи за недобивањето покана да се биде дел од најдобрите.
Центарот на Јута џез, Руди Гоберт минатата сезона беше прогласен за најдобар дефанзивец во лигата. Франузинот и сезонава игра одлично, па дури е и водечки во неколку категории во лигата. Сепак, според навивачите, играчите и тренерите, за Гоберт нема место на Олстар мечот. Центарот призна дека му е тешко што нема да игра на најинтересниот дуел каде што се сите ѕвезди, па во еден момент и заплаче.
„Ми се јави мајка ми и плачеше. Ми беше многу тешко, но така е како што е“, рече Гоберт, кој не успеа да издржи и заплаче.
Rudy grew increasingly emotional speaking with the media about his All-Star snub. Said his mom called him crying. Said he wrote and deleted several messages on social media. Finally, he grew too emotional to speak, and walked off, wiping away tears. pic.twitter.com/UkFX2nUrt8
— Eric Walden (@tribjazz) February 1, 2019
Французинот има двојна причина да биде разочаран. Пред две години тој потпиша договор со Јута, вреден 100 милиони долари и стана најскапоплатениот француски спортист. Во тој договор стои и клаузула во која се вели дека доколку Гоберт успее да се избори да биде дел од Олстарот, ќе добие дополнителен бонус од едем милиони долари