Брендон Инграм одигра брилијантен меч за Њу Орлеанс пеликанс и со личен рекорд од 49 поени беше најзаслужен за победата од 138:132 против Јута џез по продолженија.
Мечот беше драматичен, а кога Инграм постигна поени на две секунди до крај за предност од 122:121 публиката веќе се радуваше на победа во регуларниот дел.
#NOLA sports teams just can’t catch a break with officiating.
Somehow this was called a foul on Jaxson Hayes with 0.2 left. https://t.co/olUu92Wrub
— Shaun Elliott (@selliottWLWT) January 17, 2020
Но, судиите досудија чуден фаул над Руди Гобер од Хејс без топка, па центарот на Џезерите имаше шанса со погодени две слободни фрлања да им донесе 11. победа по ред на гостите од Јута.
BRANDON. INGRAM. CLUTCH.
Career-high 44 PTS and the game-winner. Wow. pic.twitter.com/jlDM1KKKyo
— Bleacher Report (@BleacherReport) January 17, 2020
Францускиот ас подгоди еднаш и израмни на 122:122 за продолженија. Публиката протестираше против чудната одлука на судиите, но за нивна среќа тука беше Инграм да ја корегира сомнителната одлука на арбитрите, а Пеликанс славеа победа со шест поени разлика.
🔥 @B_Ingram13 GOES OFF for a career-high 49 PTS on 15-25 shooting to lead the @PelicansNBA to victory in overtime! #WontBowDown pic.twitter.com/qF2sOYv8bt
— NBA (@NBA) January 17, 2020
Кај гостите блескаше Донован Мичел со 46 поени со што си го израмни сопствениот рекорд, но и тоа не беше доволно за победа и продолжување на серијата на Јута.
Драматично беше и во Сан Франциско, каде исто така се играше продолжение, а Денвер како гостин го победи Голден стејт со 134:131.
Гостите имаа 19 поени негатива уште од првата четвртина, но полека ја топеа предноста на Голден стејт и победија во дополнителните пет минути. Вил Бартон беше најефикасен со 31 поен, Јокиќ уфрли 23 со 12 скока и 8 асистенции, а и Бисли беше ефикасен со 27 поени.
Резултати: Њујорк никс – Феникс санс 98:121, Милвоки бакс – Бостон селтикс 128:123, Њу Орлеанс пеликанс – Јута џез 138: 132, Голден стејт вориорс – Денвер нагетс 131:134, Л.А. Клиперс – Орландо меџик 122:95.
