Италијанскиот првак Интер одигра нерешено 1:1 на гостувањето кај Монца, во меч од четвртото коло на Серија А. Нераѕурите беа фаворити за победа, но Монца покажа дека е незгоден ривал, па на крајот шампионот дури и се спасуваше од пораз.
По првото полувреме немаше погодоци, Интер имаше иницијатива, но фаворитот не можеше да погоди. Во една таква ситуација, први на гол се израдуваа домаќините. Се играше 81 минута кога по еден центаршут, португалскиот интернационалец Дани Мота одлично реагираше со голава и погоди за водство на Монца од 1:0.
Интер не се предаде па брзо стигна и до израмнување. На Дамфрис не му беше многу тешко да погоди од непосредна близина за израмнување на 1:1 во 88 минута.
