За прв пат во историјата на Барселона, еден меч од Примера дивисион ќе биде испратен без ниту еден каталонски новинар на стадионот. Барселона вечерва гостува на „Рамон Санчез Писхуан“ во Севилја, а ниту еден каталонски медиум не доби дозвола да присуствува на средбата.
Поради строгите правила за време на мечевите во ерата на Коронавирусот, ограничен е и бројот на официјални медиумски лица. Приоритет за следење на овој натпревар имаат локалните медиуми, како и мадридските „Марка“ и „Ас“, но ниту еден каталонски медиум не доби дозвола да биде директно на стадионот во Севилја.
Вкупно ќе има само петмина новинари од печатените медиуми, како и 14 фотографи. Дуелот во Севилја е еден од клучните околу трката на Барселона за одбрана на титулата. Каталонците имаат два бода повеќе од Реал Мадрид, но Севилја е ривал кој може да направи изненадување.
