Репрезентацијата на САД ќе се бори за седмото место на Светското кошаркарско првенство во Кина откако вчера загуби од Србија. Американците се најголемо разочарување на турнирот, а по вториот пораз во низа (претходно загубија и од Франција), следуваше лавина од секакви коментари на социјалните мрежи.
Интересно е што во коментарите не беше поштедена и Србија, а посебно внимание и реакција предизвика еден коментар на „Твитер“.
„Изгубивме од Србија во кошарка? Дали луѓето во таа земја имаат храна?“, пишуваше на еден твитер-профил, кој потоа доби многу реакции. „Мојот твит за Србија стигнал и до Србија. Доста Срби ме означија. Воопшто не знаев дека во Србија има и интернет“, пишува во вториот дел од реакцијата.
На друг твит се споредува големината на двете земји и се омаловажуваат американските кошаркари. „Загубивме од Србија која има ист број жители колку Индијана. Може ли следниот меч да ги пратиме да играат женската фудбалска репрезентација? Пратете ги кошаркарите веднаш дома и натерајте ги да пливаат до таму“, стои на социјалната мрежа.
We lost to Serbia in basketball?? Do they even have food in Serbia? https://t.co/iZNhmzkr9w
— KFC (@KFCBarstool) September 12, 2019
I didn’t even know they had internet in Serbia
— KFC (@KFCBarstool) September 12, 2019
