Бернарда Пера, американската тенисерка со хрватско потекло, приреди изненадување на стартот на првиот овосезонски гренслем со триумфот од 2-0 во сетови (6-0, 6-4) над шампионката од 2016 година Анџелика Кербер.
Моментално 63-тата тенисерка според ВТА-листата само за 18 минути го освои првиот сет, а потоа и поведе со 3-0 во гемови во вториот сет по два брејка. Кербер возврати со еден одземен сервис, но до крајот Пера ја задржа контролата врз мечот и ја искористи втората меч-топка за победа.
Во второто коло Пера ќе се соочи со Зарина Дијас. Во меѓувреме, Наоми Осака триумфираше со 6-1, 6-2 над Анастасија Павличенкова.
https://twitter.com/AustralianOpen/status/1358615368592457729
Во машка конкуренција, Доминик Тим спасуваше сет-топка на стартот од мечот против Михаил Кукушкин, за потоа да слави со 3-0 во сетови (7-6, 6-2, 6-3). Австриецот се најде во негатива од 6-5 во првиот сет и направи брејк за 6-6, па лесно го доби тајбрејкот со 7-2.
Александар Зверев мораше со пресврт да се вади од шок против 73-топласираниот Маркос Хирон. Германецот го загуби првиот сет со 10-8 во тајбрејк, па и во следниот сет се играше тајбрејк кој Зверев го доби со 7-5, па следните два сета ги освои со 6-3 и 6-2 во гемови.
Стен Вавринка со триумфот од 3-0 над Суса се пласира во второто коло, со идентичен резултат славеше и Канаѓанецот Раониќ против Корија.
Гаел Монфис по речиси четиричасовна битка испадна во првото коло од Финецот Емил Русувури со 3-2 во сетови (3-6, 6-4, 7-5, 3-6, 6-3).
