Ја доби довербата: Солари ќе потпише договор до 2020 година

Сантијаго Солари нема уште долго да биде привремен тренер на Реал Мадрид. Аргентинецот деновиве ќе потпише повеќе годишен договор со „кралевите“, според кој ќе се задржи на клупата до 2020 година. Според законите на фудбалската федерација на Шпанија, Реал мораше до денес да одлучи дали ќе ангажира нов тренер, или пак Солари ќе остане да го води тимот до крајот на сезоната.

Не само што ја оправда довербата да биде предводник на Реал до крајот на оваа сезона, Солари со сигурност ќе остане на чело на стручниот штаб и во сезоната 2019/20, доколку продолжи со добрите резултати. Под негово водство, Реал победи на четири средби во сите натпреварувања, постигнувајќи 15 погодоци, додека дозволија само два гола во нивната мрежа.

 

- Оглас -

Најнови вести