Адис Јаховиќ ја продолжи одличната голгетерска форма и во денешното реми на Јени Малатијаспор од 2-2 на гости кај Касимпаша. Искусниот македонски интернационалец стрелаше за 1-1 во 61-та минута, и така го запиша деветтиот овосезонски погодок во турскиот шампионат.
Јаховиќ на тој начин се најде на лидерската позиција на листата стрелци во првенството, а води тесна битка со Папис Сисе, поранешниот играч на Њукасл и сегашен член на Аланијаспор, кој исто така има девет гола на своето конто.
Иако е рано да се предвидува кој ќе биде најдобар голгетер по крајот на сезоната, доколку Јаховиќ продолжи со ова темпо ќе нема проблеми да се бори за индивидуалната награда.
https://twitter.com/MacedonianFoot/status/1191021014953742336
