Актуелниот првак Сент Луис блуз славеше на гостувањето кај Торонто мејпл лифс со конечни 3-2 благодарение на Алекс Пјетранџело и неговиот јубилеен поен во НХЛ-лигата. Канаѓанецот го запиша 400-тиот поен (погодоци + асистенции) во кариерата, а не можеше да одбере подобар момент за да го оствари.
Пјетранџело погоди за 3-2 од невозможен агол на 12 минути до крајот на мечот и ги остави сите да се чудат како успеа да го протне пакот низ гужвата пред голот на Торонто.
Tough angle, but he found a way. 🙌 #NHLFaceOff pic.twitter.com/ktOKDAMqte
— NHL (@NHL) October 8, 2019
Во меѓувреме, Колумбус блу џекетс ја оствари првата победа во сезоната по два порази во низа совладувајќи го тимот на Бафало сејберс со 4-3 во дополнителниот период.
