Македонската фудбалска репрезентација за играчи до 17 години загуби на стартот од квалификациите за Европско првенство. Нашите надежи беа поразени од Полска со 2:3.
Избраниците на селекторот Горан Станковски добро го отоврија мечот и поведоа со голот на Ѓоргоски во 19 минута, но потоа како да застанаа. До крајот на првото полувреме Полска успеа да израмни на 1:1, а потоа во вториот дел противниците дадоа уште два гола за водство од 3:1.
Пред самиот финиш, во 87-мата минута, Македонија даде и втор гол преку Саитоски, но тоа беше недоволно да се спасат нашите надежи од пораз.
