Ни Кристијано Роналдо не е семоќен што се покажува втора сезона по ред за Јувентус. И со Португалецот во тимот, Јувентус не успева да стигне ни блиску до трофејот во елитното натпреварување на УЕФА. Вечерва, италијанскиот првак беше елиминиран во осминафиналето од Лион, иако победи со 2:1 во Торино. Кобен беше поразот од првиот меч со 1:0.
Јувентус од 1996 година го чека големиот сребрен трофеј во своите витрини, но ќе почека барем уште една година. Да биде уште потешко за Старата дама, вечерва доживеаа нешто што никогаш претходно не го почувствувале во ЛШ. За прв пат Јувентус е елиминиран од француски клуб во нокаут фазата од најсилното натпреварување на УЕФА.
1 – #Juventus have been eliminated by a French side in an European competition in a knockout stage for the first time in their history. Thud.#JUVOL pic.twitter.com/YegSs0HESu
— OptaPaolo (@OptaPaolo) August 7, 2020
