Екипата на Јувентус најмалку 24 часа ќе биде лидер во италијанската Серија А, откако после голема борба и многу потешко од очекуваното го победи Каљари со минимални 2-1 на домашен терен. “Старата дама“ сега има 29 бодови, еден повеќе од Интер, кој својот натпревар од 12-тото коло против Фросиноне ќе го одигра утре.
На фудбалерите на Јувентус им беше потребен точно еден час за да го отворат резултатот преку Бремер, а во 70-тата минута Даниеле Ругани зголеми на 2-0. Кога се чинеше дека тука е ставен печат на новата победа на Јувентус, Алберто Досена во 75-тата минута намали на 2-1 и внесе неизвесност во мечот.
