Интернационалниот борд на фудбалската асоцијација е организација која ги поставува правилата на игра и сега предлага неколку радикални измени во делот на играње со рака во одредени ситуации.
Се планира пеналот да биде само еден шут, поточно, ако голманот го одбрани шутот, нема да смее да се постигне гол по одбиената топка, туку судијата ќе досуди гол-аут. Исто така, случајното играње со рака ќе биде пенал, но што се подразбира под случајно, ќе треба допрва да се утврди. Можеби од правилата ќе се исфрли зборот случајно и играње со рака ќе се окарактеризира секој допир на топката ако раката не е во природна позиција.
Ќе се разгледа и можноста за запирање на времето за време на измени и тоа е лоша вест за тренерите кои сакаат да задржуваат време, а ќе се поништат головите ако претходно топката удри некого во рака.
Овие предлози треба да се одобрат наредната недела, а дали ќе стапат на сила, ќе се знае во март наредната година, на состанокот во Лондон.
Според новите предлози, овој гол на Погба би бил поништен бидејќи е постигнат по одбиен шут:
https://www.youtube.com/watch?v=fQyZDKVPDGo
