Како не треба да се шутираат пенали – знаат во Манчестер сити (Видео)

Екипата на Вулверхемптон е победник на Премиер лига азискиот куп, откако во финалето, дури по подобро изведување на пенали го победи Манчестер сити. Во регуларните 90 минути немаше погодоци, иако токму Сити имаше повеќе шанси да се израдува на гол.

Најдобрата шанса во регуларниот дел ја пропушти Рахим Стерлинг, кој промаше пенал во 21 минута. Англискиот репрезентативец сакаше да пласира, но неговиот удар беше толку непрецизен што многумина почнаа да се шегуваат дека Стерлинг со тој шут сакал да го прослави јубилејот од 50 години од спуштањето на човекот на Месечината.

Првото и засега единствено слетување на Месечината беше на 20 јули 1969 година, а денеска Стерлинг толку лошо го изведе пеналот, што според многумина ја испрати топката директно кон Месечината.

Лошото изведување на пеналите на играчите на Сити продолжи и во „пенал-рулетот“. Од пет шута, играчите на англискиот првак промашија три пати. Непрецизни беа Гундоган, Давид Силва и Нмека. Ваквите промашувања, екипата на Вулверхемптон ги искористи и на крајот победи со 3:2 на пенали и се израдува на трофејот.

По завршување на мечот, тренерот на Сити, Пеп Гвардиола даде едно ветување, а тоа е дека во следниот период дефинитивно неговите играчи ќе вежбаат изведување на удари од белата точка.

https://youtu.be/5ZH22dLFa94

 

- Оглас -

Најнови вести