Вардарци не го заборавија својот чест ривал од Порто, голманот Алфредо Кинтана, и со маици со поддршка му посакаа побрзо закрепнување по инфарктот што го доживеа во понеделникот.
„Биди силен Алфредо Кинтана“, беше паролата на маиците на Црвено-црните, кои вечерва го играат и вториот меч против Елверум во Лигата на шампионите.
Кинтана доживеа срцев удар во понеделникот на тренингот на Порто и беше во индуцирана кома, a сè уште се бори за живот во болницата „Сао Жоао“.
По првото полувреме во Скопје, Елверум води со 20:17 против Вардар во нова директна битка да се избегне последното место во А групата во Лигата на шампионите.