Романскиот судија Октавијан Сорве се најде во фокусот на вниманието по дуелот меѓу Манчестер сити и Борусија Дортмунд, откако во тунелот на пат кон соблекувалната, реши да го застане Ерлинг Халанд и да му побара автограм.
Првата ѕвезда на Борусија Дортмунд, без никаков проблем се потпиша на двата картони кои ги имаше судијата, а сето тоа беше забележано и на видео снимка. Веднаш потоа, многумина го осудија потегот на судијата да бара автограм од фудбалер, затоа што и самиот тој е официјално лице на мечот.
Сепак, многу брзо стигна објаснување зошто бил побаран автограм од Халанд. Од романската фудбалска федерација објаснија дека судијата Совре побарал автограм од Халанд за да може потоа да го продаде на аукција, а собраните пари да ги донира за помош на деца со аутизам.
Совре веќе подолго време соработува со центарот кој помага на деца со посебни потреби и сега решил да направи аукција за да ги продаде потписите на Халанд, а парите да завршат во хумана цел.
Haaland’s signed cards will go to an auction to help people with autism.
That’s why Romanian ref Sovre was running after Erling last night at the Etihad. #MCIBVB #bvb pic.twitter.com/QcOcNh90jQ— Emanuel Roşu (@Emishor) April 7, 2021
