Стефон Кари постави нов луд рекорд во НБА лигата, откако со 40 поени, 4 скока и пет асистенции го предводеше шампионот Голден стејт вориорс до победа од 106:101 против Кливленд кавлирс.
Најкорисниот кошаркар во плејофот од ланската сезона вторпат по ред постигна 40+ поени со 65+ посто прецизен шут од поле и најмалку пет тројки, со што е единствен играч во историјата на НБА лигата со таков ефект.
Stephen Curry is the 1st player in NBA history to record back-to-back games of 40+ points, 65%+ FG, and 5+ 3PM! pic.twitter.com/bTld48NEmr
— NBA History (@NBAHistory) November 12, 2022
Во текот на третата четвртина Кливленд имаше двоцифрена предност, 66:55, но шампионите предводени од Кари направија пресврт и славеа четврта победа во десеттиот мечво новата сезона.
Steph took over in the final 2 mins!pic.twitter.com/ajZq6itUEX
— NBA (@NBA) November 12, 2022
Вигинс бепе одличен кај Воините со 20 поени, а кај Кливленд се истакнаа Донован Мичел со 29 поени, 10 скока и 9 асистенции и Мобли со 20 поени, 13 скока и 4 асистенции.
Кливленд ја почна сезоната со 7-0, но сега има три порази по ред. Дури 10 неуспеси сега имаат Езерџиите од Лос Анџелес по поразот од Сакраменто кингс со 114:120 со што 17-кратниот НБА првак е на последното место во Западната конференција.
Лејкерс имаат биланс од 2-10, исто како и Хјустон рокитс, а ноќеска за нив незадржлив беше Деарон Фокс.
Лисицата на Кингс им даде 32 поени, зачинети со 12 асистенции и 7 скока и Сакраменто стаса до петтата победа во 11 натпревари.
Првата ѕвезда на Лејкерс, Леброн Џејмс не играше поради повреда, а бродот што тоне не успеа да го спаси ниту Ентони Дејвис, кој одигра одличен меч со 24 поени и 14 скока.
Резултати: Бостон – Денвер 131:112, Орландо – Феникс 114:97, Њујорк – Детроит 121:112, Оклахома – Торонто 132:113, Сан Антонио – Милвоки 111:93, Мемфис – Минесота 114:103, Годлен стејт – Кливленд 106:101, Л.А Лејкерс – Сакраменто 114:120.