Трикратниот освојувач на златниот олимписки медал од почетокот на минатата сезона беше без клуб кога испадна од составот на Хјустон. Иако тогаш се најавуваше динамично трио Харден-Пол-Ентони, Кармело брзо падна во немилост на тренерот Мајк Дантони и го загуби местото во тимот.
Лос Анџелес лејкерс беше најзагреан за да го доведе Ентони, но сепак Езерџиите не потпишаа со некогашната ѕвезда на НБА. Ентони е нов играч на Портланд. Тимот со кој има договор до крајот на сезонава, воопшто не ризикува многу затоа што договорот е таков да може Портланд во секој момент да ја раскине соработката, и тоа на штета на кошаркарот.
Портланд ќе биде петти клуб за Ентони, кој е десеткратен олстар-играч. Во Портланд веќе има двајца врвни надворешни играчи, па ќе биде интересно да се види како Кармело ќе се вклопи во тимот заедно со Лилард и Мекалум.
