Манчестер јунајтед може да има нов менаџер на местото на Оле Гунар Солскјер уште денеска ако Маурисио Покетино успее да се договори со раководството на Пари Сен Жермен и да добие зелено светло од Светците да се пресели на „Олд Трафорд“.
Таква информација објавија и англиските и француските медиуми, а веќе има најави и на социјалните мрежи дека Покетино експресно ќе биде новото решение на клупата на Црвените ѓаволи.
#MUFC want Pochettino, and all the noise today is from Pochettino. Argentine would move to United this afternoon if it could be agreed with PSG.
— Tom McDermott (@MrTomMcDermott) November 22, 2021
Покетино одлично го познава англискиот фудбал и имаше впечатлив период како кормилар на Саутхемптон и на Тотенхем.
Особено се истакна кај Спарс, а со нив играше и финале во Лигата на шампионите во 2019 година, но не успеа да го крене пехарот по поразот од 0:2 од Ливерпул на „Ванда Метрополитано“ во Мадрид.
Манчестер јунајтед го смени Оле Гунар Солскјер доцна ноќта во саботата, по поразот од Ватфорд со 4:1.
На негово место како вршител на должноста е назначен Мајкл Карик и тој веројатно утре од клупата ќе го предводи тимот во меч од Лигата на шампионите против Вилјареал.