Францускиот фудбалер Ромен Алесандрини постигна прекрасен гол со ножички, со што ги одбележа денешните мечеви во кинеската фудбалска суперлига. Погодокот на Алесандрини беше само утешен, за намалување на 1-2, но беше многу поубав од двата погодоци на Шангај СИПГ кои ги постигнаа ѕвездите Марко Арнаутовиќ и Хулк.
Алесандрини сезонава игра за Чингдао Хуангхаи, а во минатото настапуваше и за Рен, Олимпик Марсеј и Лос Анџелес галакси.