Неколку интересни мечеви се одиграа ноќеска во НБА-лигата. Лос Анџелес клиперс славеше во градското дерби против ЛА лејкерс со 111:110 во меч кој имаше драматична завршница.
Ентони Дејвис погоди за водство на Лејкерс на 12 секунди до крајот, а потоа топката ја зеде Реџи Џексон, кој погоди положување на четири секунди до крајот за победа на Клиперс.
https://twitter.com/i/status/1489471219103506435
Голден стејт славеше против Сакраменто со 126:114 и на тој начин се доближи до лидерот на Западната конференција, Феникс санс. Клеј Томпсон одигра одличен меч. Шутерот на Голден стејт постигна 23 поени, а шутираше со феноменално 73 отсто прецизност.
Томпстон погоди седум тројки од девет обиди и успеа да го помине легендарниот Коби Брајант на вечната листа на најмногу постигнти тројки во НБА.
With his sixth trey tonight, @KlayThompson has passed Kobe Bryant for 20th on the NBA’s all-time threes list ☔️ pic.twitter.com/f6B18eUQyr
— Golden State Warriors (@warriors) February 4, 2022
Тре Јанг одигра одличен меч и постигна 43 поени за победа на Атланта во дуелот со најдобриот тим во лигата, Феникс санс. Јастребите победија со 124:115 и на Феникс му го нанесоа само 10-тиот пораз сезонава.
Сонцата имаа 10 победи во низа, но беа немоќни да го задржат одличниот Јанг и нивната серија застана во Атланта.
Резултати: Сан Антонио – Мајами 95:112, Деторит – Минесота 117:128, Торонто – Чикаго 127:120, Атланта – Феникс 124:115, Голден стејт – Сакраменто 126:114, ЛА лејкерс – ЛА клиперс 110:111.
