Лос Анџелес клиперс за малку ќе дозволеше да загуби речиси добиен меч. На дуелот против Бруклин, домаќините имаа предност од 116:106 само 62 секунди до крајот, но во последните секунди се случуваше вистинска драма. За толку кратко време, Бруклин успеа да направи серија од 10:0 и израмни на 116:116, а на семафорот стоеше дека има само уште пет секунди.
Клиперс побара тајм-аут, а Вилијамс реши да ја преземе одговорноста во свои раце. Играчот кој постигна 25 поени и беше најефикасен кај победничкиот тим, успеа да погоди тројка со звукот на сирената и на крајот сепак да донесе радост на домашните навивачи.
За тимот од ЛА ова е седма победа по ред, а посебен мерак му се направи на тренерот Дик Риверс, кој стигна до бројката од 300 победи во кариерата. Тој е само седми стратег со вакво постигнување.
Резултати: ЛА клиперс – Бруклин 119:116, Хјустон – Минесота 117:102, Мајами – Шарлот 93:75, Милвоки – Филаделфија 125:130, Детроит – Торонто 110:107, Орландо – Атланта 101:91, Сакраменто – Чикаго 129:102.