Кливленд кавалирс објави дека веќе не смета на Андре Драмонд, кој е еден од најробусните и најдобри центри во НБА-лигата.
Во Кливленд се надеваат дека ќе успеат да го трампаат Драмонд во мини-преодниот рок што е на ред месецов, а има доста заинтересирани клубови.
Reporting with @WindhorstESPN: The Cleveland Cavaliers are no longer planning to play center Andre Drummond as they work to trade the two-time All-Star prior to the NBA’s March 25th deadline, sources told ESPN.
— Adrian Wojnarowski (@wojespn) February 15, 2021
Дури пет екипи од НБА-лигата веднаш пројавија интерес да го ангажираат. Торонто репторс, Бруклин нетс, Бостон селтикс, Шарлот хорнетс и Лос Анџелес клиперс сакаат да го видат 208 сантиметри високиот центар во своите редови, сега само треба да најдат добитна формула од кошаркари што ќе му ги понудат на Кливленд кавалирс.
Драмонд беше деветти пик на драфтот во 2012 година, кога го одбра Детроит пистонс, екипа за која играше до 2020 година, кога се пресели во Кливленд.
