Јирген Клоп додека чекаше на еден аеродром пред да замине на одмор со сопругата, на својот телефон пребаруваше вести поврзани со неговото име, а сето тоа е фотографирано од некој човек кој му пришол од позади и достави слика како доказ.
Клоп сакаше да види што се пишува за него, па на „Гугл“ си го напиша името и беше сликан. Се разбира, вести за Клоп на интернет има колку што сакате.
Харизматичниот Германец има посебен карактер, тоа го докажал во повеќе наврати, а откако ја освои Лигата на шампионите, веќе никој не може да му вели дека е губитник кој не знае да добива финалиња. По прославата на титулата, сега е на одмор, да се релаксира пред предизвиците кои го чекаат наредната сезона.
