Тренерот на Ливерпул, Јирген Клоп, нема да присуствува на преигрувањето на мечот од четвртото коло во ФА купот против Шрусбери, но сепак ќе го гледа натпреварот, и тоа на лаптоп. Ливерпул вечерва ќе настапи со фудбалери од тимот до 23 години, а на клупата ќе седи тренерот Нил Кричли. Првиот меч заврши 2-2, па вечерва е преигрувањето.
Главните играчи на Ливерпул и нивниот тренер се на зимски распуст, потребен им е одмор, па во ФА купот Црвените решија да ризикуваат и на терен да го испратат младиот тим. Во Англија некои го критикуваа Клоп, велат дека со ова го потценува и не го почитува ФА купот. Младиот тим на Ливерпул беше разбиен од Астон вила со 0-5 во Карабао купот, но сега ќе игра дома и против послаб противник, па можеби ќе победат и ќе се пласираат во следната рунда, каде што ги чека Челзи.
