Бразилскиот Фламенго е пред еден од најголемите предизвици во клупската историја. Тимот од Рио де Жанеиро е во Доха, каде што го чека дуелот против Ливерпул во финалето од Светското клупско првенство. Фламенго се најде на овој турнир благодарение на титулата за најдобар тим во Јужна Америка, а сега е само на една победа од приматот да биде најдобар тим во светот за 2019 година.
Еден од најзаслужните за овие успеси на Фламенго е напаѓачот Габриел Барбоса. Тоа е фудбалерот кој како позајмен играч дојде од Интер. Нераѕурите не го сакаат популарниот Габи гол, што е шанса за Фламенго да го откупи неговиот договор.
„Имаме преговри со Интер и тие ќе ги продолжиме по завршување на Светското клупско првенство. Веќе четири месеци преговараме и има напредок. Можам да кажам само дека сумата е под 22 милиони евра“, откри претседателот на Фламенго, Марко Браза.
Габриел сезонава одигра 41 гол за Фламенго и даде 34 гола, а имаше и 11 асистенции.
#Flamengo say they have successfully negotiated a price “well below €22m” for #Inter loanee Gabriel Barbosa https://t.co/nX6LuLYhZ4 #FCIM pic.twitter.com/WliwXMweYE
— footballitalia (@footballitalia) December 19, 2019
