Сара Ерани се коцкаше во клучен момент на дуелот со Кики Бертенс на Ролан Гарос, се обиде да ја изненади противничката со легендарниот сервис на Мајкл Чанг и не успеа, а потоа во екстра драматичен меч и загуби со 6:7, 3:6, 7:9 од Холанѓанката.
Финалистката во Париз во 2014 година сервираше необично, се обиде да ја изненади Бертенс, но топчето заврши во нејзиниот дел од мрежата во моменти кога Ерани имаше сервис за победа.
Serve's not working today for Sara Errani, not even the underarm serve 😭
(GIF @josemorgado) pic.twitter.com/sI3Zxc1ZKQ
— We Are Tennis (@WeAreTennis) September 30, 2020
Кики Бертенс ги прегрме сите искушенија на мечот, во кој имаше неверојатни 24 брејка и многу нервоза. Холанѓанката бараше тајмаут поради повреда, а си замина од теренот преморена во количка.
Ерани ги загуби нервите и непристојно реагираше, дури и со пцовка ја испрати ривалката надвор од теренот. Италијанката сепак сама си е виновна, бидејќи дури трипати сервираше за победа против изнемоштената противничка, а пропушти и една меч-топка.
Бертенс е петта носителка на Ролан Гарос и во следното коло ќе игра против Катерина Шинјакова од Чешка.
