Лионел Меси, или Роберт Левандовски ќе ја добијат претижната награда на Франс фудбал, а според учинокот во минатата сезона двајцата извонредни играчи имаат шанса за „Златната топка“.
Лионел Меси е во предност и според неофицијалните информации по седми пат ќе биде лауреатот и ќе го добие признанието „Балон Д`Ор“.
Аргентинецот ги освои пехарите во Копа дел реј и на Копа Америка, а има повеќе асистенции од Левандовски од позначајните статистички категории.
Полјакот има постогнато повеќе голови од Меси и е Крал на стрелците за минатата сезона.
И двајцата беа најдобри стрелци во првенствата каде што настапуваа, Меси во Ла Лига, а Левандовски во Бундеслигата.
Шпицот на Баерн се закити со шампионската круна во Германија и со пехарот на светскиот клупски куп.
Кандидат за престижната награда е и Карим Бензема, но на него му се даваат мали шанси да изненади и да ја добие „Златната топка“.
Свечената церемонија што ќе ја води легендата Дидие Дрогба ќе се одржи вечерва од 20.30 часот во парискиот театар Шателе, а добитникот ќе биде познат околу 21 часот.
Во изборот за престижната награда учествуваа 180 новинари од целиот свет.
