Чои Јун е херојот на Јужна Кореа, а младинците на оваа репрезентација ќе играат во финалето на популарното Мундијалито во Полска, против Украина.
Јун го постигна победничкиот гол во 39-тата минута против Еквадор вечерва во второто полуфинале на Светското првенство за играчи до 20 години, доволно за да се обезбеди меч за титулата.
Јужна Кореја и Украина ќе играат за првиот пехар во конкуренција на играчи до 20 години, што е историски успех за двете селекции.
Претходно Украина со идентичен резултат го доби првото полуфинале против Италија, што им донесе финале во петтото учество на Мундијалите за фудбалери до 20 години.