На денешен ден точно точно 11 години, Барселона го освои првиот трофеј под палката на Пеп Гвардиола, што воедно беше и прво одличје за шпанскиот стратег во елитниот фудбал. Каталонците со 4-1 го совладаа Атлетик Билбао во финалето од Купот на Кралот, што беше најава за тројната круна освоена во сезоната 2008/09.
Оттогаш Гвардиола додаде уште 28 трофеи во својата колекција како тренер на Барселона, Баерн Минхен и Манчестер сити.
Барселона – по три титули во Ла Лига и шпанскиот Суперкуп, две во Лигата на шампиони и два европски Суперкупа, два трофеи во Купот на Кралот и уште два од Светското клупско првенство.
Баерн Минхен – три титули во Бундеслигата, две во Купот и по еден европски Суперкуп и Светско клупско првенство.
Манчестер сити – три трофеи во Лига купот на Англија, две титули во Премиер лигата, два Суперкупа (Комјунити шилд) и еден трофеј во ФА купот.