Универзитетот Конектикат е нов шампион во НЦАА лигата во САД откако во големото финале го победи Сан Диего стејт со 76-59.
За непогрешливиот Конектикат ова е петта титула во петтото финале, а сите пет им се од 1999 година наваму, и прва по 2014 година. Сан Диего стејт во првото полувреме имаше период од 11 минути без даден кош од поле и Конектикат направи двоцифрена разлика.
Верувале или не, во САД имаше неколку обложувачи кои го погодија и конечниот резултат, па имаа одлична заработка. Еден од нив уплатил 5 долари, а добивката му е 1.805 долари бидејќи квотата била 360.
Има и такви кои лани уплатиле дека Конектикат ќе ја освои титулата, па сега тријат раце бидејќи уплатата од 100 долари ја претвориле во добивка од над 10 илјади зелени банкноти.
