Претседателот на САД, Доналд Трамп, за Денот на Мартин Лутер Кинг објави честитка во која се пофали дека на тригодишнината од неговото стапување на функцијата, невработеноста на Афроамериканците во САД е најмала во историјата, на што ирскиот Ултимејт фајт борец Конор Мекгрегор одговори дека Трамп е веројатно најдобриот претседател во историјата на САД.
„Феноменален претседател. Многу веројатно најдобриот на сите времиња. Не е лесно да се биде рамо до рамо, па и подобар од многу неверојатни џинови кои ја вршеле функцијата пред него. Честитки за празникот Америка“, напиша Конор.
Оваа објава на „Твитер“ доби повеќе од 100.000 лајкови, но и огромен број критики од противниците на првиот човек на САД.
Потоа Трамп во знак на благодарност, на Мекгрегор му ја честиташе големата победата против „каубојот“ Доналд Сероне.
