Јеонбук го победи Сувон со 1:0 во премиерниот меч од јужнокорејското фудбалско првенство, кое почна денеска, со старото добро дерби меѓу големите ривали.
Мрежите на премиерата мируваа до 84-тата минута, кога репрезентативецот на Јужна Кореја Ли Донг-Гок со единствениот погодок на мечот го одлучи победникот.
Интересно е што Донг-Гок влезе како резерва на дербито и погоди за победа. Гостите се обидоа да одолеат, но поранешниот играч на Мидлсборо ги разочара со голот во финишот.
Сувон играше со фудбалер помалку од 75-тата минута, по исклучувањето на Антонис, а ова беше десетти црвен картон на последните 18 меча меѓу актуелниот шампион Јеонбук и Сувон.
Утре и задутре ќе се одиграат преостанатите мечеви од првото коло во првенството на Јужна Кореја.