Коронавирусот ја зеде првата жртва во Јапонија, засега нема план за откажување на ЛОИ 2020
Остануваат уште 160 дена до почетокот на најголемиот спортски настан во светот.
Смртоносниот Коронавирус продолжува да се шири, а последните информации се дека и во Јапонија има најмалку една жртва, а повеќе луѓе се заразени. Без разлика што Коронавирусот има сè поголем замав и бројот на жртви расте, засега не се доведува во прашање одржувањето на Летните олимписки игри во Токио.
Директорот на олимпискиот комитет Јоширо Мори ги демантираше одредени натписи дека можно е да има откажување на најважниот спортски настан во светот.
„По појавувањето на вирусот, низ светот кружат многу лаги, а една од тие е дека ЛОИ може да не се одржат. Јасно порачуваме дека воопшто не размислуваме на таа опција“, вели Мори.
До почетокот на Олимписките игри остануваат уште 160 денови, а градоначалникот на Токио, Јурике Коикер, вели дека нема причини за загриженост. Од спортските настани кои требаа да се одржат во Кина, веќе се откажани олимписките квалификации во кошарка и бокс, потоа Формула 1 трката за ГН на Кина, како и Атлетското светско првенство во сала.
