Завршувањето на Светското првенство за мажи го одреди најголемиот дел од репрезентациите кои ќе се борат за место на олимпискиот турнир следната година, а имињата кои ќе се борат за четирите слободни места се застрашувачки и патот до Токио ќе биде многу тежок.
Од Европа, учество на квалификациите имаат загарантирано Србија, Чешка, Полска, Литванија, Италија, Србија, Русија, Германија и Турција, а ќе има уште два тима од Стариот Континент кои уште повеќе ќе ја засилат конкуренцијата. Од Америка ќе бидат Бразил, Венецуела, Порторико, Доминиканската Република и Канада (ќе има уште два тима од таму), од Азија и Океанија засега сигурен е Нов Зеланд, а од Африка ќе има три тима, од кои едниот е познат, Тунис.
Во тие борби за место на ЛОИ во Токио, ќе има 24 тима поделени во четири групи. Секоја група ќе има по шест тима и само победниците од секој од четирите турнири ќе одат на ЛОИ.
Место на олимпискиот турнир засега обезбедија Нигерија, Аргентина, САД, Иран, домашната Јапонија, Шпанија, Франција и Австралија.
